Link açıqlığı

Tatarstan Bağçasaray Han sarayınıñ elektrotemininiñ pekitilmesine ve qoruv, yanğın signalizatsiyanıñ yerleştirilüvi içün maddiy vastalarnı ayıracaq.

Bunı bugün Tatarstan baş naziri İldar Halikov qırımtatar halqınıñ Meclis eyyeti ile körüşüvde bildirdi, dep haber ete öz başına tayinlengen Qırım akimiyetiniñ ruporı «Krıminform».

Halikovnıñ aytqanı kibi, Tatarstan qırımtatarlarğa tasil saasında da yardım etecek – milliy mektepler açılacaq, sağlıq saqlavda – cumhuriyet Qırım hastalarına yüksek tehnologik tibbiy yardımını köstermege ve Qırım hastahaneleriniñ hızmetçilerini ögretmege azır.

Qırımtatar halqınıñ Meclis eyyeti Qazanğa iş ziyareti ile aprel 25 künü kelip çıqtı. Onıñ erkânına Meclis azaları, qırımtatar halqınıñ Qurultay delegeleri, iş adamları kire. Meclis temsilcileri ilk sefer Tatarstanğa baralar. Eyyetniñ programmasına cumhuriyet yolbaşçılığı ve Bütündünya tatarlarnıñ kongresi ile körüşüv, aliy oquv yurtlarnıñ ve medeniy tedbirlerniñ ziyayereti kire. Ziyaret aprel 29 kününe qadar sürecek.

Mustafa Cemilev bergen intervyüde Tatarstan yolbaşçıları özlerini Kreml hızmetkârları kibi alıp barğanlarını qayd etti. «Olar şimdi eñ esas teşviqatçılar süretinde bulunalar, qırımtatarlarnı Rusiye terkibinde nasıl güzel yaşayış bekleycegini işandırmağa tırışalar», – dedi Cemilev.
XS
SM
MD
LG