Link açıqlığı

Saatnıñ esas haberi

Qırımğa yerli separatistlerniñ bankı keldimi?


Qırım ve Aqmescitte Rusiye Milliy Kömmertsiya Bankı (RNKB) çalışıp başladı.

Bunı özü tiklengen Qırım ükümetiniñ «İqtisadiy inkişaf ve ticaret nazirligi»niñ pressa hızmeti bildirdi.

Müessise bergen malümatına köre, Qırımda umumen «RNKB»niñ 121 bölügi açıldı.

Şunıñnen beraber, yuridik şahıs ve fizik zatlarnen şimdilik, banknıñ tek Rusiye rublelernen operatsiyalar keçirgen 37 bölügi çalışmaqta.

Banknıñ daa 46 bölügi em de ukrain grivnasınen, yevro ve dollarlarnen çalışalar.

Qalğanları ise tek fizik zatlarnen iş tutmaqta.

Yaqın vaqıtlarğace RNKB Moskva bankınıñ mülkünde edi. Şimdi ise, mühbirlerniñ araştırmalarına köre, RNKB aktsiyalarını eki, Qırımnıñ «akimiyeti»ne ait olğan, yuridik şahıs satıp aldı: Aqmescitniñ suv-kanalizatsiya hocalığınıñ istisal idaresi ve Aqmescit halqara aeroportı.

Aqiqat, RNKB-niñ özünde bunı izaatlarlar.
XS
SM
MD
LG