Kiyev patriarhatı Ukraina Pravoslaviye kilsesiniñ Qırım yeparhiyası, onıñ ibdethanelerini yerli «akimiyet» çekip ala, dep ilân ete.
KP UPK-niñ saytında numayış etilgen muracaata bu şey aqta haber bar.
İlânda qayd olunğanı kibi, Qırım yeparhiyası Aqyardaki Ukraina Arbiy-deñiz küçleriniñ oquv otrâdınıñ territoriyasında yerleşken Muqaddes cefakeş Rimli Klimentniñ haramı üzerinde nezaretçiligini tamam ile ğayıp etti.
«Saqçılıq yapqan rusiyeli arbiyler ibadethanege, milleti rus olğan, Arbiy-deñiz flotınıñ sabıq askeri, ruhaniy arhimandrit Makariyge (Şçipakov) ve din kütken cemaatqa yol bermeyler», – dep, bildireler KP UPK-de.
Bundan da ğayrı, Aqmescit rayonı, Perevalnoye köyünde «Pokrova Böjiyey Materi» ibadethanesinde de kerginlik peyda oldı.
«Ruhaniy protoiyerey İvan Katkalo ve yerli KP UPK din cemaatına Moskva Patriarhatı Ukraina Pravoslaviye kilsesiniñ vekilleri maneviy tazıyıq köstereler. «Vhod Gospoden v İyerusalim (Verbnoye voskresenye)» diniy bayramı ötkerilgende, kamuflâj kiygen yaşlar kerginlik peyda etmege areket ettiler», – dep, KP UPK-niñ ilânında bildirile.
Yeparhiya hatırlata ki, akimiyet KP UPK-niñ faaliyetine keder etmeycegini beyan etken edi.
«Yuqarıda qayd etilgenlerni közge alaraq, Simferopol ve qırım boyunca arhiyepiskopı Kliment bütün KP UPK-niñ Qırım yeparhiyası adından Rusiye Federatsiyası prezidenti Vladimir Pütinge Kiyev patriarhatına sadıq olğan ukrainlerge Qırımda ibadet ve kilse faaliyetini serbest keçirilmesine ve pravoslaviye dininiñ ve milliy-medeniy ananelerniñ serbest kütmesine başqalarnen teñ aq-uquğını temin etmekniñ talabınen muracaat etti», – dep, qayd eteler KP UPK-de.
Evelde, arhiyepiskop Kliment Qırımda ukrain ruhaniylerine tazıyıq köstermesine MP UPK Qırım yeparhiyasınıñ vekilleri qoltutqanını bildirgen edi.
Bundan da ğayrı, o, eger de din hızmetçilerini Qırım ibadethanelerden quvsalar, o haramlarnıñ ğayıp etilmesi yerine Ukrainanıñ qıta qısımında yerleşken MP UPK-niñ parafiyalarından cöremeni bütünley tölemekni talap etmege mecbur olacağını ilân etti.
KP UPK-niñ saytında numayış etilgen muracaata bu şey aqta haber bar.
İlânda qayd olunğanı kibi, Qırım yeparhiyası Aqyardaki Ukraina Arbiy-deñiz küçleriniñ oquv otrâdınıñ territoriyasında yerleşken Muqaddes cefakeş Rimli Klimentniñ haramı üzerinde nezaretçiligini tamam ile ğayıp etti.
«Saqçılıq yapqan rusiyeli arbiyler ibadethanege, milleti rus olğan, Arbiy-deñiz flotınıñ sabıq askeri, ruhaniy arhimandrit Makariyge (Şçipakov) ve din kütken cemaatqa yol bermeyler», – dep, bildireler KP UPK-de.
Bundan da ğayrı, Aqmescit rayonı, Perevalnoye köyünde «Pokrova Böjiyey Materi» ibadethanesinde de kerginlik peyda oldı.
«Ruhaniy protoiyerey İvan Katkalo ve yerli KP UPK din cemaatına Moskva Patriarhatı Ukraina Pravoslaviye kilsesiniñ vekilleri maneviy tazıyıq köstereler. «Vhod Gospoden v İyerusalim (Verbnoye voskresenye)» diniy bayramı ötkerilgende, kamuflâj kiygen yaşlar kerginlik peyda etmege areket ettiler», – dep, KP UPK-niñ ilânında bildirile.
Yeparhiya hatırlata ki, akimiyet KP UPK-niñ faaliyetine keder etmeycegini beyan etken edi.
«Yuqarıda qayd etilgenlerni közge alaraq, Simferopol ve qırım boyunca arhiyepiskopı Kliment bütün KP UPK-niñ Qırım yeparhiyası adından Rusiye Federatsiyası prezidenti Vladimir Pütinge Kiyev patriarhatına sadıq olğan ukrainlerge Qırımda ibadet ve kilse faaliyetini serbest keçirilmesine ve pravoslaviye dininiñ ve milliy-medeniy ananelerniñ serbest kütmesine başqalarnen teñ aq-uquğını temin etmekniñ talabınen muracaat etti», – dep, qayd eteler KP UPK-de.
Evelde, arhiyepiskop Kliment Qırımda ukrain ruhaniylerine tazıyıq köstermesine MP UPK Qırım yeparhiyasınıñ vekilleri qoltutqanını bildirgen edi.
Bundan da ğayrı, o, eger de din hızmetçilerini Qırım ibadethanelerden quvsalar, o haramlarnıñ ğayıp etilmesi yerine Ukrainanıñ qıta qısımında yerleşken MP UPK-niñ parafiyalarından cöremeni bütünley tölemekni talap etmege mecbur olacağını ilân etti.
