Link açıqlığı

«PrivatBank» Qırımdaki kliyentlerine öz paralarını Pütinge muracaat etip qaytarmağa, rica ete.


«PrivatBank»nıñ hadimler taqımı öz qırım müşterilerini Rusiye Prezidenti Vladimir Pütin adına yollanılğan, bankqa kliyentler ögündeki olğan vazifelerniñ eda etüvinde «yardım köstermek» ricası olğan, petitsiyanı imzalamağa çağıra.

Böyle muracaat «PrivatBank»nıñ resmiy saytında yerleştirilgen.

Bu muracaatta kollektiv qayd ete ki, Pütinniñ tesiri sebebinden o, «Qırımdaki kliyentleri ile razılıqnen ayırılıp olamay».

«Martnıñ 3 künü aktsionerimiz İgor Kolomoyskiy Vladimir Pütinniñ areketlerine belli bir qıymet kesti. Bundan eki kün keçer-keçmez, Rusiyeniñ ükümeti "Moskomprivatbank»nı («PrivatBank»qa bağlı, kartlarnıñ miqdarına köre Rusiyede ileri 10 banknıñ sırasına kirgen bir bank), oña uydurma bir mananen muvaqat memuriyetni kirsetip, az qaldı yoq etmedi. Böyle etip, bizlerge endiden Rusiye topraqlarında normal tarzda çalışmağa bermeyceklerni añlattılar.

«Yazıq ki, bizim Qırımdaki kliyentlerimiznen razılıq ile ayırılmağa da bizlerge bermeyler», – dep aytıla bu haberde.

Rusiye akimiyeti qoltutmasa, Qırım müşterilerine olar paralarnı tölep olamazlar, çünki «bu aqçılar kene de Qırımdaki kliyentlerge kredit sıfatında berilgenler», - dep, «PrivatBank»ta eminliknen bildireler.

«Qırımda belli vaqialar başlanğanınen, tamam ile episi korporativ ve individual müşteriler özüniñ kredit boyunca vazifelerini eda etmey başladılar. Eger de bizler, Rusiye akimiyeti tarafından kösterilgen işbirligi olmasa, bizler özümizniñ bütün borclurarımıznı ödesek, bu tek banknıñ işini havflı vaziyetke qoymaz, bunıñnen birge Ukrainanıñ bütün maliy sistemasına da tesir bildirir», - dep söyleyler bankta.

Hadimler, bazı siyasetçiler «PrivatBank» «Qırım faciasından para qazanmaq istey» degenlerine de, ökelendiler.

Bu sebepten, bankta öz Qırımdaki müşterilerine Pütinniñ adına, bu meselede yardım köstermek muracaatınen, petitsiya imzalamaqnı rica eteler.

«Vladimir Vladimiroviç! Bizler «PrivatBank»qa Qırımdaki kliyentleri ögünde olğan vazifelerini eda etmekte yardım köstermekni rica etemiz. Banknıñ memuriyetinen qorquzuv, şantaj ve ultimatumlar ile laf etmekni toqtatmağa rica etemiz. Moskva bankına ya da angi bir başqa Rusiye bankına Qırımdaki «PrivatBank»ınıñ infrastruktura, aktivleri ve passivleriniñ mirasçısı olmağa izin beriñiz. «PrivatBank»nıñ memuriyeti bu işte bütünley tarafdarlıq köstermege azır», - dep aytıla petitsiyada.

Şunıñnen beraber, yaqın künlerde özleri akimlikke tayinlengen «akimiyet»niñ vekilleri «Qırım Respublikasınıñ Prokuraturası» «PrivatBank»ı qırım bölüginiñ aktivleri ve mal-mülküniñ aresti boyunca davasını mahkemege yollağanını ilân etti.

Qırım sakinlerine paralarını qaytarmağa yarımadada Rusiye vekilleri tarafından meydanğa ketirilgen Emanetçiler qorçalav fondı işandıra.
Ukraine -- петиция Приватбанка для крымских клиентов, 25Apr2014
Ukraine -- петиция Приватбанка для крымских клиентов, 25Apr2014
XS
SM
MD
LG