Link açıqlığı

Qırımda grivnanı bütünley sıqıştırıp çıqaralar: tükânlarda fiyat köstergiçlerini deñiştirmege emir etildi.


Qırımda özüni «akimiyet» ilân etkenler yerli ticaret ağlar ve tükânlarnıñ sabılarına mallarınıñ fiyat köstergiçlerini Rusiye rublesine keliştirip, belgilemege teklif eteler.

Böyle ilânnı bugün «Qırım Respublikası İqtisadiy inkişaf ve ticaret nazirligi» darqatqan.

Nazirler Şurası «Mal ve hızmetler boyunca esaplar alıp baruvınıñ bazı meselelerine binaen» degen qararınıñ 2-nci maddesine köre fiyat köstergiçlerni ğayrıdan yasattırmağa teklif eteler.

«Hocalıq subyektlerine mal ve hızmetler boyunca fiyat köstergiçlerini, fiyatlar ve tarifler ukrain grivnasından rusiyeli rublesine keçirilgende tamamlanğan esaplama koeffitsiyentini 3,1 alaraq, Qırım Respublikasınıñ resmiy aqça birligi – Rusiye rublesine köre belgilemek tevsiye etildi», - dep aytıla ilânda.

Al-azırda Qırımnıñ tükânları, bazarları ve ticariy ağlarda fiyatlar grivna vastasınen, amma yanında malnıñ Rusiye rublesindeki fiyatınen beraberlikte, kösterilgen.
XS
SM
MD
LG