Link açıqlığı

Saatnıñ esas haberi

Zapt etilgen Qırımnıñ akimiyeti Rusiyeden sürgün etilgenlerniñ yerleştirilmesi içün 800 mln ruble soray


Zapt etilgen Qırımnıñ akimiyeti Rusiye Federatsiyasınıñ maliye nazirligine Qırımdan sürgün etilgen halqlarğa bu sene yardım etmek içün 800 mln ruble sorap ricada bulundı.

Bu aqta «RİA Novosti» haber merkezine milletlerara munasebetleri ve sürgün etilgen grajdanlar boyunca Qırım cumhuriyet komitetiniñ reisi Zaur Smirnov bildirdi.

«Belli ki bu paralar 2014 s. sürgün etilgenlerniñ adaptatsiya ve yerleştirilmesine masraf etilecek», – dep qayd etti Smirnov.

Onıñ aytqanına binaen, ilk evelâ qurucılıq, ev meskenlerniñ açılış ve qullanmasına diqqat ayırılacaq. Mezkür binalar şimdiki vaqıtta 70 - 80% -ğa azır. Bunıñnen bir sırada repatriantlar toplum yaşağan yerlerde yañı mekteplerniñ qurulması, gazifikatsiya, elektrifikatsiya ve suvnen temin etüv kibi leyhalarnıñ ömürge keçirilmesi planlaştırıla.

Aprel 21 künü Rusiyeniñ yolbaşçısı Vladimir Putin ermeni, bulğar, yunan, qırımtatar ve alman halqları içün reabilitatsiya aqqında ferman imzaladı. Milliy mecliste endi mezkür emirni teñqit ettiler.
XS
SM
MD
LG