Link açıqlığı

Saatnıñ esas haberi

Bugünden başlap Rusiye Qırım ile Ukrainanı devlet sıñırınen böldi


Zapt etilgen Qırım ve Ukraina arasında olğan sıñır, aprel 25 kününden devlet sıñırı olaraq çalışıp başlay.

Bu aqta Rusiye migratsion hızmeti bildirdi.

«Еñ yaqın zamanda keçirme noqtalarınıñ yerleri, sıñırnıñ doğru keçmesi ve migratsion haritalarnıñ tarqatılması belgilenecek», - dep, qayd etti migratsion hızmetiniñ vekili Petr Yaroş.

Belli olğanı kibi, türlü naqliye ve aşayit mallarınıñ keçirilmesine sıñırlav qoyulmaycaq.

Mart 16 künü Qırım statusınen bağlı referendum ötkerildi. Onıñ neticesinde öz-özüni ilân etken Qırım akimiyeti yerli sakinler rey berüv neticesinde 96,77% -ğa Rusiyege qol tutqanlarını ilân etti.

Mart 18 künü Qırım ve Rusiye cumhuriyet ve Aqyar şeeri Rusiye Federatsiyasına kirmesi aqqında añlaşmanı imzaladı. Mart 21 künü Rusiye yolbaşçısı Vladimir Pütin Qırım ve Aqyar federatsiya subyektleri olaraq qoşulğanları aqqında qanun leyhasını imzaladı.

AQŞ ve Ukraina Qırım referendumnıñ neticelerini qabul etmedi.

Şimdiki vaqıtta Qırım vaqıtınca Ukraina tarafından işğal etilgeni kibi tanıla.
XS
SM
MD
LG