Link açıqlığı

Anneksiya etilgen Aqyarnıñ «gübernator»ı er kesni Ğalebe Kününden evel şeerni temizlemege çağıra.


Aqyarnıñ «Gübernator vazifelerini eda etici»si Sergey Menâylo Ğalebe Kününden evel umumşeer cumaerte talaqasınıñ keçirilmesi aqta qarar çıqardı.

Aqyar şeer devlet memuriyetiniñ pressa-hızmeti bildirgenine köre, talaqa şeer teşkilâtlar hadimleri ve faal şeer sakinleriniñ iştiragı ile kommunal hızmetleri qoltutuvında aprel 25-nde keçirilecek.

«Bizler şeerni Aqyarnıñ alman-faşist zapt eticilerinden azat etilmesine 70 yıl toluvı ve Ğalebeniñ 69-ncı yıllığına şeerni eñ yüksek derecede azırlamaq kerekmiz. Keçit deviriniñ meselelerini unutıñız, keliñiz, beraber şeerniñ eyiligi ve onıñ avtoriteti faydasına çalışayıq» - dedi Aqyar şeer devlet memuriyeti reisiniñ muavini Öleg Kizimenko.

Bundan başqa, o aqyarlılarğa rica etip, şeer «gübernatorı vazifelerini eda eticine» koltutmaq ve talaqağa çıqmaq, çağırdı.
XS
SM
MD
LG