Link açıqlığı

Rus arbiy küçleri «raatsızlıq» peyda olğanı içün Ukrainanшñ sıñırında oquv başladılar.


Rusiye Mudafaa naziri Sergey Şoygu, cenübiy-şarqiy Ukrainada vaziyet kerginleşkeni sebebinden, Rusiyeniñ Cenüp ve Ğarp arbiy okruglar umumarbiy birleşmesi batalyon taktik gruppalarınıñ oquvı başlandı, dep ilân etti.

Bunı Radіo Svoboda haber ete.

«Askeriy quvetler öz ketişatınen marşlarnıñ eda etilmesini ve tainlevine köre berilgen vazifelerini eda etmek içün yerleşüv areketleri üzerinde çalışmaqtalar», – dep, öz müessisesi kollegiyasınıñ toplaşuvından evel bildirdi Rusiye Mudafaa naziri.

Bundan da ğayrı, oquv çerçivesinde «aviatsiya devlet sıñırları yanında areketleriniñ işlenmesi boyunca uçuşlar yapacaq», - dep, qoştı Şoygu.

Daa o, Ukrainanıñ cenübiy şarqında küç faydalanması yüz bergeni «raatsızlıq doğurğanını» ilân etti.

«Küçler teñ olmağanı açıq-aydın körüne. Öz ükümetiniñ adiy vatandaşlarına qarşı silâ qullanmaq emiri endi berilgen. Eger de bu arbiy maşina bugün toqtatılmasa, neticede çoq miqdarda elâk olğanlar ve yaralılar olacaq», – dep, esap ete Şoygu.
XS
SM
MD
LG