Link açıqlığı

Ukrain sıñırqoruyıcıları kene Qırımdan yollanılğan Ruiyege qoltutucı «poçta»nı tapıp aldılar.


Tünevin Herson vilâyeti «Çaplınka» teşkerüv noqtasında Devlet sıñırqoruyıcı hızmeti ve SBU hadimleri gümrük hızmetçilerinen birlikte Rusiyege qoltutucı ve arbiy hususiyetlerine malik yükni taptılar.

Devlet sıñırqoruyıcı hızmetiniñ pressa hadimleri bildirgenine köre, bu yük belli bir poçta kezicilerniñ yük arabasında bulunğan edi.

Bu yük arabası, Aqmescitten Donetskke yol alıp, Ukraina vatandaşı idaresinde kete edi.

«Poçta yollanmalar arasında propaganda ve arbiy hasiyetli predmetler olğan eki qutu bar edi. Umumen poçta yollanmalarda eki zırhlı jilet, dört dane arbiy kaska, 24 «georgiy» bayrağı, 17 çanta ve 36 Rusiye qoltutucı simvolikası olğan yeñustü qapaqlar ve ilâhre. Bular episi alınıp, gümrükke teslim olundı», – haberde denile.

İdarede qayd ettiler ki, «Qırım Cumhuriyeti» ile olğan memuriy sıñırda soñki vaqıtlarda böyle, poçta kezici firması vastasınen yapılğan ğayet şübeli poçta yollanmalarnıñ tapılğanı, ilki kere degildir.

Böylece, aprel 17 künü sıñırqoruyıcılar tarafından Harkov içün yollanılğan zırhlı jiletler ile poçta yollanması tapıldı.
XS
SM
MD
LG