Link açıqlığı

Rusiyeniñ Tış işler nazirligi Ukraina ve AQŞnı Jeneva añlaşmanıñ şartlarını deñiştirilmesinde qabaatlay


Moskva Jenevada dört taraflı añlaşmanıñ şartlarını Ukraina ve AQŞ tarafından «deñiştirilgen yoramına» taacipelne.

Bunı Rusiye Tış işler nazirliginiñ matbuat hızmeti bildire.

Hususan, Rusiyeniñ TİN ‘Pravıy sektor’nı silâsızlandırmaqnı talap ete.

«Bütün qanunsız olğan silâlı gruppalar silâsızlandırmaq kerek. Amma bunu yapmaq yerine Kiyevde, Vaşıngtonda ve bir sıra Avropa paytahtlarında cenüpte ve şarqta öz aqlarını qorçalağan ukrain grajdanları silânı teslim etmege davet eteler. Aynı zamanda «Pravıy sektor» kibi radikal küçleriniñ provokatsıyalarına köz qapatalar», – bildire TİN

Keçekn cümaaqşamı künü Jenevada Jeneva añlaşması imzalanğan edi.

Bu añlaşmanıñ şartlarına köre, bütün «qanunsız olğan silâlı otrâdlar» silâsızlandırmaq kerek, idariy binalarnı zapt etkenleri ise, olarnı azat etmek kerek.

Ondan da ğayrı, binanı zapt etkenleri silânı teslim etseler, olar amnitstiyağa tüşeler.

Amma bu vaqıtta, Ukrainanıñ şarqında Rusiye qol tutuvı ile Ukrainada terrorizm kibi tanılğan areketlerini yapqan seprartisler bu añlaşmanıñ şartlarını yerine ketirmesini red ettiler. Olar öz talaplarını bildireler.

Ğarbiy dünya iste Rusiyege separatistlerge tesir etmege hatırlata.
XS
SM
MD
LG