Link açıqlığı

Rusiyedeki Cumhuriyetler Qırım separatistlerinen añlaşmalar imzalamağa devam eteler


Qırımnıñ «baş naziri» Sergey Aksönov ve Başqortostan cumhuriyetiniñ prezidentı Rustem Hamitov regionlar arası, ticariy-iqtisadiy, ilmiy-tehnikiy, içtimaiy ve medeniy işbirligi aqqında añlaşma imzaladılar.

Nazirler Şurasınıñ matbuat hızmeti bildirgenine köre, Aksönov Qırım keçüv devirde Başqortostandan yardımğa muhtac olğanı aqqında ayttı.

Rustem Hamitov ise «Başqortostan Сumhuriyeti Qırımda fevral-mart aylarında olğan vaqıyalarnı büyük coşqunluqnen qabul etti, Cümhıriyet sakinleri ise «Qırımğa qol tuttuv fondını» açtılar», – dedi.

«Şunıñ içün, Başqortostan olğan yerinde eyi ve sistematik iş olacağında emin oluñız. Biz Qırım ve Belegosrk rayonıñ sakinleri aqıqiy dostlar bir birilerine daima yardım etkenlerini körseterik», – dep vade etti Başqortostanıñ başı.

Matbuat hızmetiniñ bildirgenine köre, eñ yaqın zamanda Ufa-Aqmescit avia yolunıñ açılması, sanatkâr gruppalarınıñ gastrolleriniñ teşkil etilmesi ve Başqortostan balalarnıñ Qırımda raatlanması teşkil etilecek.

Başqortostan tanılmağan Qırım Cumhuriyetinen añlaşma tizmege qorqmağan birinci rus regionı degildir. Tünevin Qırım separatistleri ile añlaşmanı Tver vilâyetiniñ gubernatorı Andrey Şevelöv imzaladı.
XS
SM
MD
LG