Link açıqlığı

Rusiye ve işğal etilgen Rusiye akimiyeti Cemilevge Qırımğa kirmege kimse yasaq etmegeni aqqında qandıralar


Rusiyeniñ Federal migratsıya hızmeti qırımtatarlarınıñ lideri Mustafa Cemilevge Qırımğa kirmege yasaq etken bir vesiqa bermegenler.

Bunı bügün Qırımdaki Federal migratsıon hızmetiniñ vaqtınca olğan gruppanıñ reisi Yüriy Zvâgintsev bildirdi, ayta Radio Svoboda.

Qırımdan Devlet Şurasından olğan Federatsıyalar Şurasınıñ azası Sergey Tsekov Musstafa Cemilevgge Qırımğa kirmege kimse yasaq etmegenini ayttı.

«Bu aqta bütün laflar yalandır», – qayd etti Tsekov.

Aynı zamanda Qırımnıñ «baş naziri» Sergey Aksönov Mustfa Cemilev Qırımda istegen vaqtı kelip ola, yeter ki «niyetleri yahşı olsun».

«O yapqan işinı milletara toquşmağa ketirgen provokatsıyadan ğayrı başqa bir söznen ifade etmege mümkün degil», – dey Aksönov.

Bir kün evelsi, Milliy Meclis Mustafa Cemilevge Qırımğa 2019 senesine qadar kirmege qararını teslim etkenlerini bildirdi.

Radio Svobodağa berilgen intervyüda Mustafa ağa bu yasaq Rusiye tarafından işğal etilgen Qırımğa da kirmesine edi. Amma bu qararnı kim qabul etkenini o daa bilmey.

Qırımtatarlarınıñ çoqusı mart ayında olğan Qırımnı Rusiyege qoşmaq içün keçirilgen «referendumnı» boykot ettiler.
XS
SM
MD
LG