Link açıqlığı

Ukraina tış işler nazirligi: rus askerleri Qırım ile qıta sıñırında minalar qoyalar


Rusiye Qırım ve Ukraina arasında olğan sıñırda minalar qoyalar. Bu aqta bügünki brifingte Ukraina tış işler nazirliginiñ matbuat hızmetiniñ reisi Yevgeniy Perebiynis bildirdi, ayta LigaBiznesinform.

Rusiye baş naziriniñ Dmitriy Medvedevnıñ Qırımnen Ukraina arasında olğan «sıñırını» abadanlaştımaq emirine izaat berip, Perebiynis böyle ayttı: «Rusiye tarafından kelgen em emirler em yapqan şeyler işğal etilgen Qırım Muhtar Cumhıriyetinde olğan Rusiye ordusınıñ pozitsıyalarını küçleştirilmesidir».

Tış işler nazirligi tarafından bu kibi adımlarnı Qırımnıñ işğalını pekinmek içün yapılğan adımlar kibi tanıla.

«Rusiye tarafı piyadege qarşı olğan minalarnı toplaması, yapması ve bermesi yasaq etken konventsıyanı bozup, Ukrainada tank ve piyadege qarşı olğan minlarnı Rusiye ordusı turğan yerleri boyu qoyğanlarnı ğayet raatsızlandıra».

Onıñ aytqanına köre, Rusiye bu areketlerini halqara nezaretinden gizlep yapa. Hatırlatmaq kerek ki, Rusiye baş naziri Dmitriy Medvedev Rosgranitsanıñ yañı reisine Rusiye ve Ukraina arasında olğan sıñırnı, Qırım ve Aqyar «qoşulğanını» közde tutıp abadanlaştırmağa emir etti.
XS
SM
MD
LG