Link açıqlığı

Rosaviatsıya «Aqmescit» ava limanı endi halqara ava limanı olmağanı içün «Groznıy Avia» şirketine Aqmescitten İstanbulğa, Tel-Avivke, Yerevanğa, Antalyağa reyslerini yasaq etti.

Bu aqta Rosaviatsıyanıñ malümatlarına esaslanıp «Krıminform» bildire.

«Groznıy Avia» Rosaviatsıyadan añılğan reyslerni açmaq içün muracaatta bulundı, lâkin arizaları qabul olunmadı.

Vesiqalarğa köre, «Groznıy Avia» Aqmescit-İstanbul yolunda aftada üç kere, ve aftada ekişer kere Tel-Avivke, Antalya ve Yerevanğa uçacaq edi. Bütün reyslerde Yak-42D uçaqlar olacaq edi.

Rosaviatsıyanıñ vasiqasında: «Bu reyslerniñ açılışını red etmek. RF qanunlarına köre, Aqmescit ava limanı halqara degil»

Rosaviatsıyanıñ temsilcisi İTAR-TASSqa Aqmescitte halqara reyslerni yañıdan tiklmek içün keçirüv punktı çalışmağanını añlattı.

Keçirme punktı Rusiye ükümetiniñ emiri ile açıla. Bu mesele boyunca Rosaviatsıya endi kelişti. Şimdi bu mesele başqa federal organlarınıñ akimiyeti tarafından baqıla.

Evelden Aqmescitten bir çoq halqara reysler yapıla edi. «Groznıy Avia» açmaq istegen reyslerge uçuşlar daimiy şekilde edi.

Herson akimiyeti aprelnıñ başında Aqmescit ava limanınıñ müşterilerni öz ava limanına celp etmege ümüt etkenlerini bildirdi.

Şunıñ içün «Herson» ava limanında bütün imkânlarınıñ teşkirilmesi ilân etildi. Ondan da ğayrı türk ve ukrain avia şirketlerinen aytışmalar kete.
XS
SM
MD
LG