Link açıqlığı

Saatnıñ esas haberi

Matbuat vastaları: Rusiyeniñ içki işler nazirliginiñ Qırımdaki politsyağa para yetişmey


Rusiyeniñ İçki işler nazirligi Qırımda politsıya hızmetini teşkil etmek içün para yetişmey. Şunıñ içün nazirlik Gosduma deputatlarından yardım soradı.

Bu aqta «Vedomosti» gazetine Gosdumanıñ havfsızlıq komitetiniñ reis muavini Aleksandr Hinşteyn bildirdi.

Laf milliardlarnen rubleler aqqında yürsetile. Şimdi tam yetişmegen paranıñ miqdarı belli degil. Rusiyeniñ içki işler naziriniñ muavini aytqanına köre, Qırım ve Aqyarda 15 500 politsıya hadimi ve 3600 içki ordu askeri bulunmalı.

3000 hadimi içün para tapıldı, qalğanını qıdırmaq kerek dedi Hinşteyn. Başqa federal okruglarda glavklarda qısqartmalar olacağı aqqında bildirdi.

Bazı menbalarnıñ malümatına köre, şimdi İçki işler nazirliginiñ merkeziy apparatında Qırım militsıyanıñ miqdarı 12.000ge qadar, amma olarnıñ sayısını arttırmağa planlaştırıla. Em de aylıqlar da bir qaç biñge artacaq. Bunı ömürge keçirmek içün er yıl qoşma 10 milliard ruble kerek olur.

«Devlet programması bütün rusiyedeki politsıyağa 2014-2020 seneleri devamında para berilmesini kestirecegi közde tutıla. Kestirilme miqdarı 68,2 miliard ruble birinci üç yıl içinde, ve 568,4 milliard ruble 2017-2020 senelerinde», – dep bildirdi içki işler naziriniñ muavini.

«Vedomosti» yazğanına köre, böyle siyaset hadimleriniñ işten çıqaruvlarğa ve «teşkiliy strukturanıñ yıqıluvına» ketirecek. Çalışqanlar da bügünge qadar aylıqlarını indeksatsıya yapmağanlar. Amma Maliye nazirliginen olğan añlaşılmamazlıqnı çezip olamadılar, çünki pogramma endi qabul etilgen.
XS
SM
MD
LG