Link açıqlığı

Saatnıñ esas haberi

İşğal olunğan Yaltada «Rusiye akimiyeti» Hıdırlezni çiberek festivalinen qarşılaycaq


Mayıs 4-de Yaltada «Hıdırlez» qırımtatar milliy bayramı çerçivesinde IV Çiberekler festivali açılacaq.

Yalta şeer şurasınıñ matbuat hızmeti bildire ki, tedbir teşkilâtçısı şeer yolbaşçılığınıñ milletlerara işler ve migratsiya idaresi ola.

«Bu sene Yalta, Keriç ve Bağçasaraynıñ yedi qavehane ve restoranı kendi mahsulatını festival musafirleri ve iştirakçilerine taqdim etecek. Bayram programmasında çeşit türlük yarışlar olacaq. Neticede jüri eñ güzel çiberekler ustazını belgileycek. «Et çibereklerinden» ğayrı, Yalta sakinleri ve musafirlerine ananeviy yemekler qaidelerine köre pişirilgen pilâv ve şarqiy tatlılar berilecek. Bunıñnen beraber festivalde muzıka ve oyun ansamblleriniñ çıqışları olacaq», – aytıla beyanatta.

Şeer şurasınıñ milletlerara işler ve migratsiya idaresiniñ yolbaşçı vazifelerini eda etken Enver Ametovnıñ aytqanına köre, festival Qırımnıñ milliy medeniyetlerini inkişaf ettirmek ve saqlap qaldırmaq maqsadınen keçirile.
XS
SM
MD
LG