Qırımtatar Milliy Meclisiniñ reisi Refat Çubarov qırımtatar halqınıñ lideri Mustafa Cemilevge Rusiyege kelmek yasağı aqqında senetni taqdim etken belgisiz adamlarnıñ areketlerini sert bir şekilde tenqid etti.
Bunı o, Aqmescitte keçirilgen matbuat konferentsiyasında bildirdi, dep haber ete Qırım. Aqiqat mühbiri.
«Bugün saba liderimiz, Ukraina halq deputatı Mustafa Cemilev Qırımdan çıqar eken, belgisiz adamlar oña Rusiye Federatsiyasına kiriş yasaq etilgenini bildirgen senetni tuttırmağa tırıştılar. Men inceliklerini aytıp oturmaycam: kim ve nasıl taqdim etti, lâkin sport urbasına kiyingen bir de bir adamnıñ yapqan areketleri. Ümüt etem ki, anda çalışqan kameralar da bunı kösterecekler. Böyle adım bu akimiyetni açıq-aydın ifadeleydir», – dep qayd etti Çubarov.
Bundan ğayrı, o, Cemilevge Qırımğa kelmek yasaq teşebbüsçilerini «pezevenkler» olaraq adlandırdı.
Çubarovnıñ aytqanına köre, bir aftadan soñ Cemilev Qırımğa qaytmaq niyetinde. Cemilevni yarımadağa kirsetmeseler, Çubarov Meclisniñ yapılacaq adımlarını izaatladı: «Biñlernen adam maşinalarnen Mustafa Cemilevni qarşılamağa azır. Onıñ aprel 19-da qaytuvı aqqında haberi olmağan biñlernen adam şimdi meni qabaatlay».
Qırımtatar halqınıñ lideri Mustafa Cemilevge 2019 senesine qadar Qırımğa kelmege yasaq ettiler.
Qırımtatar Milliy Meclisiniñ matbuat kâtibi Lilâ Müslimovanıñ aytqanına köre, Qırımnıñ Ukraina ile sıñırında Mustafa Cemilevge Rusiyege kelmek yasağı aqqında senet bergenler.
Mustafa Cemilev iç bir «qararlarğa» baqmadan, Qırımğa keri qaytacağını bildirdi.
Bunı o, Aqmescitte keçirilgen matbuat konferentsiyasında bildirdi, dep haber ete Qırım. Aqiqat mühbiri.
«Bugün saba liderimiz, Ukraina halq deputatı Mustafa Cemilev Qırımdan çıqar eken, belgisiz adamlar oña Rusiye Federatsiyasına kiriş yasaq etilgenini bildirgen senetni tuttırmağa tırıştılar. Men inceliklerini aytıp oturmaycam: kim ve nasıl taqdim etti, lâkin sport urbasına kiyingen bir de bir adamnıñ yapqan areketleri. Ümüt etem ki, anda çalışqan kameralar da bunı kösterecekler. Böyle adım bu akimiyetni açıq-aydın ifadeleydir», – dep qayd etti Çubarov.
Bundan ğayrı, o, Cemilevge Qırımğa kelmek yasaq teşebbüsçilerini «pezevenkler» olaraq adlandırdı.
Çubarovnıñ aytqanına köre, bir aftadan soñ Cemilev Qırımğa qaytmaq niyetinde. Cemilevni yarımadağa kirsetmeseler, Çubarov Meclisniñ yapılacaq adımlarını izaatladı: «Biñlernen adam maşinalarnen Mustafa Cemilevni qarşılamağa azır. Onıñ aprel 19-da qaytuvı aqqında haberi olmağan biñlernen adam şimdi meni qabaatlay».
Qırımtatar halqınıñ lideri Mustafa Cemilevge 2019 senesine qadar Qırımğa kelmege yasaq ettiler.
Qırımtatar Milliy Meclisiniñ matbuat kâtibi Lilâ Müslimovanıñ aytqanına köre, Qırımnıñ Ukraina ile sıñırında Mustafa Cemilevge Rusiyege kelmek yasağı aqqında senet bergenler.
Mustafa Cemilev iç bir «qararlarğa» baqmadan, Qırımğa keri qaytacağını bildirdi.
