Link açıqlığı

Aqyar şeer devlet memuriyetiniñ reis vazifelerini eda etken Dmitriy Belik yaz başında yaqarlıq ücüzlaşacağını vade ete.

Bunı o, bugün Aqyarda keçirilgen brifingde bildirde, dep haber ete Aqyar şeer devlet memuriyetiniñ matbuat hızmeti.

«Bizler Rusiye yaqarlıq noqtaları seviyesine daa kelmedik, lâkin neticesi körüne. Rusiyeden Aqyar ve Qırım yaqarlıq noqtalarına yaqar mahsulatı keldi ve keleyata», – dep ayttı Belik.

Bundan ğayrı, onıñ aytqanına köre, al-azırda cermay taşıyıcıları Rusiye qanunları boyunca ğayrıdan qayd etileler.

«Bugün Aqyarnıñ AZSlerinde fiyatlar 42-43 rubleni (12 grivnanı) teşkil ete. Fiyatlar 15-16 grivnadan 12 grivnağa qadar eksildi. Rusiyeniñ farqlı regionlarında A-95 benzini 32-35 rubleden satıla. AZS fiyatları umumrusiye derecesine mayıs ortasında, belki de, iyün ayında yetecek», – dep vade etti Belik.
XS
SM
MD
LG