Link açıqlığı

Medvedev Qırımda Rusiyeniñ Ukraina ile sıñırını acele sürette donatmağa avale etti


Rusiye baş naziri Dmitriy Medvedev Rusiye sıñırınıñ yañı yolbaşçısı Konstantin Busıginge Qırım ve Aqyarnıñ Rusiye terkibine «kirüvini» esapqa alıp, Rusiye Federatsiyası ve Ukraina arasında sıñırnı donatmağa emir etti.

Bunı öz başına ilân etilgen Qırım akimiyetiniñ ruporı «Krıminform» ükümet yolbaşçısı Natalya Timakovağa esaslanıp bildire.

«Ükümet reisiniñ Rusiye sıñırınıñ yañı yolbaşçısı Konstantin Busıginge bergen ilk emri Qırım ve Aqyarnıñ RF terkibine kirüvini köz ögüne alıp, Rusiye Federatsiyası ve Ukraina arasında devlet sıñırını donatuv işlerine başlamaq avalesi oldı», – dep ayttı Timakova.

Onıñ bildirgenine köre, Busıgin eñ yaqın vaqıtta Qırımğa kelecek. Bunı baş nazir tanılmağan Qırım cumhuriyetiniñ yolbaşçı vazifelerini eda etken Sergey Aksönovğa telefon subetinde bildirdi.
XS
SM
MD
LG