Link açıqlığı

Ukraina sıñırında vaziyet sakindir – Devlet sıñır hızmeti


Ukraina sıñırında vaziyet sakindir, sıñır nezareti alâ daa ciddiydir. Bunı Ukraina Devlet sıñır hızmeti bildire.

«Ukraina-rusiye sıñırında mürekkep arbiy-siyasiy vaziyetni köz ögüne alıp, Paşalya künlerinde de Devlet sıñır hızmeti sıñırnı ciddiy tarzda nezaret etmege devam ete. Kiriş noqtalarında ve olarnıñ etrafında qoşma sıñır bölükleri bulunmaqta, devlet sıñırı tehnik kontroli vastası ile qapalı, Ukraina havfsızlıq hızmeti ve diger uquq qorçalayıcı organlar ile işbirlik devam etmekte», dep aytıla Devlet sıñır hızmeti beyanatında.

Al-azırda sıñır bekçileri qayd eteler ki, «devlet sıñırında iç bir ziddiyet ya da maşnalarnıñ toplamı yüz bermey».

Aprel 17 künü Ukrainağa kelgen Rusiye vatandaşlarınıñ sıñır kontroli quvetleştirildi.
XS
SM
MD
LG