Link açıqlığı

Qırım: polis Meclis binasında köterilgen Ukraina bayrağı sebebinden qasevet çeke


İşğal etilgen Qırımda milisniñ yerini alğan polis hadimlerinde Aqmescitte qırımtatar milliy Meclis binasında köterilgen Ukraina devlet bayrağı qasevet doğura. Bunı cumaertesi künü «Krımskiye novosti» agentligi bildirdi.

Beyanatta köre, Meclis azası, «Qırım» cemaat fondınıñ reisi Riza Şevkiyev kendisi Ukraina vatandaşı ve bina cemaat teşkilâtınıñ mülki olğanını añlatıp, idiia sebepleri añlaşılmağanını ayttı.

Agentliginiñ malümatına köre, polisler qayd ettiler ki, ziyaret sebebi – «lâqaytsız vatandaşlarnıñ» telefon etkenidir. Ve işğal olunğan Qırım toprağında Ukraina bayrağı ücüm ve tariklerge sebepçi ola bileceginde tenbiyelediler. Şevkiyev ise cevap olaraq, nizamnı nezaret etmege, tariklerniñ ögüni almağa ve provokatorlarnıñ cezalarını bermege – uquq qorçalayıcılarnıñ vazifesi olğanını qayd etip keçti. O şunı da hatırlattı ki, 23 yıl devamında mustaqil Ukraina milisinde çalışqan uquq qorçalayıcılar içün ukrain Qırımda köterilgen Rusiye bayraqları – ziyaret sebebi degil edi.

Ukraina bayrağını Meclis binasında cumaertesi künü Qırımğa qırımtatar lideri, çoq yıllar devamında işbu organnıñ başı olğan Mustafa Cemilevniñ kelgeni munasebeti ile köterdiler. Cemilev yarımadanıñ Rusiye tarafından işğal olunğanından soñ Qırımğa ilk sefer kele. Bunıñnen beraber, separatist akimiyeti emri ile oña başta regionnıñ memuriy sıñırından keçmege izin bermemege tırıştılar.
XS
SM
MD
LG