Link açıqlığı

Saatnıñ esas haberi

Sıñırcılar «Çonğarda» Qırımdan nevbetteki «sürpriz» taşıyıcılarını yaqaladılar


Ukrain sıñırcıları Ukraina qıtasına yasaq etilgen şeyler ketirilmesini qayd etmege devam eteler.

Bunı Ukraina havfsızlıq hızmeti yanında Terrorizmge qarşı merkez bildire.

Onıñ malümatına köre, sıñırcılar nevbetteki «sürprizni» aprel 17-de «Çonğar» kiriş noqtasında (Herson vilâyeti) taptılar.

«Teşkerüv tedbirleri vaqtında «Çonğar» kiriş noqtasında Qırımdan kelgen üç Dnepropetrovsk sakini yaqalandı. Avtomobil teşkerilgende, 300 biñ grivna turğan mobil ratsiyası tapıldı», – dep qayd eteler Ukraina havfsızlıq hızmetinde.

Ukraina şarqında yüz bergen vaqialardan sebep Ukraina uquq qoruyıcıları Qırım ile sıñır yerlerinde, em de diger regionlarnıñ kiriş noqtalarında teşkerüv quvetleştirildi.
Kiriş noqtalarında esas vazife Ukraina qıtasına silâ, patlav maddeleri, narkotik ve ilâhre ketirilmesine yol bermemektir.

SBU vatandaşlarğa muracaatta bulunıp, avtomobiller teşkerüvleri ve uquq qoruyıcılarınıñ talaplarınıñ müimligini añlamağa rica ete.
XS
SM
MD
LG