Raatlıq künleri ve Pasha bayramında separatistler Ukraina şarqından ğayrı, cenübinde de areket ete bileler.
Bunı Azatlıq Radiosına «Batkivşçına» deputatı Andriy Pavlovskiy bildirdi.
«Yerli sakinlerniñ malümatına köre, Krivoy Rog şeerinde Ukrainağa qarşı narazılıq aktsiyaları, ve akimiyet organlarını zapt etüv azırlanıla. Adamlarğa künde 500 grivnadan ziyade bere bileler», – dep qayd etti Pavlovskiy. Onıñ bildirgenine köre, teşkilâtçı ve para bergen adam Dnepropetrovsk vilâyetiniñ sabıq reberlerinden biri ola. Pavlovskiyniñ aytqanına köre, akimiyetni zapt etüv provokatsiyaları Zaporojye vilâyetiniñ Berdânskta olması mümkün. O, Azaq deñiziniñ yalısında, Mariupolniñ yanında, yerleşe.
Bugün Zaporojye vilâyet devlet memuriyetiniñ reisi Valeriy Baranov Berdânsk şeer icra komitetine telefon açıp, aynı haberni aydınlattı. Oña bunı mahsus hızmetler bildirdi eken.
Al-azırda Berdânskta uquq qoruyıcılar ve yerli halq imayesi şeerde nevbetçilik yapıp, separatistlerni toqtatacaq olalar, dep bildireler yerli kütleviy haber vastaları.
Raatlıq künleri Krivoy Rog ve Berdânskta olacaq narazılıqlar ve binalar zaptı aqqında malümatnı «İnformatsion qarşılıq» gruppasınıñ reberi Dmıtro Tımçuk da bildirdi.
Ukraina havfsızlıq hızmetinde ise Pasha ve Jenevadaki dört taraflı añlaşmalar olğanından sebep terrorizmge qarşı faal tedbirlerniñ toqtatılması aqqında bildireler.
Ukraina havfsızlıq hızmetiniñ matbuat kâtibi Marina Ostapenkonıñ aytqanına köre, operatsiyanıñ esas vazifeleri deñişmey qala.
Bunı Azatlıq Radiosına «Batkivşçına» deputatı Andriy Pavlovskiy bildirdi.
«Yerli sakinlerniñ malümatına köre, Krivoy Rog şeerinde Ukrainağa qarşı narazılıq aktsiyaları, ve akimiyet organlarını zapt etüv azırlanıla. Adamlarğa künde 500 grivnadan ziyade bere bileler», – dep qayd etti Pavlovskiy. Onıñ bildirgenine köre, teşkilâtçı ve para bergen adam Dnepropetrovsk vilâyetiniñ sabıq reberlerinden biri ola. Pavlovskiyniñ aytqanına köre, akimiyetni zapt etüv provokatsiyaları Zaporojye vilâyetiniñ Berdânskta olması mümkün. O, Azaq deñiziniñ yalısında, Mariupolniñ yanında, yerleşe.
Bugün Zaporojye vilâyet devlet memuriyetiniñ reisi Valeriy Baranov Berdânsk şeer icra komitetine telefon açıp, aynı haberni aydınlattı. Oña bunı mahsus hızmetler bildirdi eken.
Al-azırda Berdânskta uquq qoruyıcılar ve yerli halq imayesi şeerde nevbetçilik yapıp, separatistlerni toqtatacaq olalar, dep bildireler yerli kütleviy haber vastaları.
Raatlıq künleri Krivoy Rog ve Berdânskta olacaq narazılıqlar ve binalar zaptı aqqında malümatnı «İnformatsion qarşılıq» gruppasınıñ reberi Dmıtro Tımçuk da bildirdi.
Ukraina havfsızlıq hızmetinde ise Pasha ve Jenevadaki dört taraflı añlaşmalar olğanından sebep terrorizmge qarşı faal tedbirlerniñ toqtatılması aqqında bildireler.
Ukraina havfsızlıq hızmetiniñ matbuat kâtibi Marina Ostapenkonıñ aytqanına köre, operatsiyanıñ esas vazifeleri deñişmey qala.
