Link açıqlığı

Putin baykerleri Ukraina cenübiy-şarqındaki separatistlerge qol tutmaq içün Aqmescit merkezinde yürüv teşkil etti


Bugün Aqmescitte «Noçnıye volki» Rusiye bayker klubı Ukraina cenübiy-şarqındaki separatistlerge qol tutmaq içün motoyürüvni teşkil ettiler.

Qırım.Aqiqat mühbiriniñ bergen malümatına köre, numayış Aqmescit merkeziy meydanında olıp keçti. Anda Rusiye bayraqları ve şeritlernen tahminen 15 bayker mototsikl ile ve 10 maşna toplanıldı.

Saat 18:00 olar meydandan çıqıp, Qırım paytahtınıñ merkeziy soqaqlardan keçtiler.

Böyleliknen, «Noçnıye volki» Ukraina cenübiy-şarqındaki separatistlerge qol tutttı ve «olarğa tek sözlernen yardım etmemek azır olğanlarını» bildirdiler.

«Noçnıye volki» baykklubı SSSR tarihında eñ eski klublardan biridir. Olarnıñ lideri «Hirurg» lağabı olğan Aleksandr Zaldostanov Rusiye prezidenti Vladimir Putinge yaqın olğanını deyler.

2012 senesi yazda Qırımğa Ukraina prezidenti Viktor Yanukoviç ile körüşmege kelgen Putin «Noçnıye volki» Aqyardaki bazasına da barğan edi.
XS
SM
MD
LG