Link açıqlığı

Soñki ayları siyasiy vaziyet sebebinden yarımadadan tahminen 5 biñ qırımtatarı çıqtı.

Bunı Ukraina halq deputatı, qırımtatar halqınıñ lideri Mustafa Cemilev Kiyevde cumaaqşamı keçirilgen brifingde bildirdi, dep haber ete «İnterfaks-Ukraina».

«Tahminen 5 biñ qırımtatarı öz Vatanını terk etmege mecbur oldı. Esasen ğarbiy Ukrainağa köçeler», – dedi Cemilev.

O şunı da qayd etti ki, al-azırda Qırımda qırımtatarlar ile ciddiy problemler daa yoq edi, amma olarğa nisbeten menfiy munasebet endi duyula eken.

«Rusiye işğaline qarşı çıqqan yaş erkekniñ öldürüvinden soñ, ciddiy problemler artıq yoq edi», – dedi Cemilev.

Bunıñnen beraber, halq deputatı Qırımda «hususiy qorquzuvlar, aqaretler» eşitilgenini qayd etti.
XS
SM
MD
LG