Link açıqlığı

Saatnıñ esas haberi

Yatsenük Rusiyege: «Biz bir halq degilmiz»


Ukraina baş naziri Arseniy Yatsenük qayd ete ki, Ukrainada Rusiye diversantlarınıñ bulunğan maqsadı – keleyatqan prezident saylavlarğa keder etmekten ibarettir.

Bunı Ukraina nazirler Kabinetiniñ informatsiya ve cemaat ile alâqalar departameni bildire.

«Al-azırda Rusiye tek bir oyunnı alıp bara. İleride kerginleşüv, topraq zaptı ve provokatsiya. Çünki bugün Putin er kesniñ ögünde öz maqsadını ilân etti – mayıs 25 künü keçirilecek saylavlarğa keder etmek. Onıñ maqsadınıñ amelge keçirilmesi içün vaziyetni insan qurbanları ile kerginleştirmek kerek. Ukrainada endi olğan qurbanlar – Rusiye akimiyetiniñ mesülietinde. Olarğa Qırım toprağında vefat etken insanlarnıñ, Ukrainada vefat etken insanlarnıñ qurbanlarını kimse unutmaz», – dedi Yatsenük.

O Putinni rusiyeliler ve ukrainlilerni «bir halq» olaraq adlamamaq rica etti.

«Biz bir halq olğanımıznı aytmañız. Sizde – Rusiye halqı, bizde – Ukraina halqı. Ve bunda medeniy saylav añlamasınıñ esas farqıdır. Siz ise öz tank ve silâñız ile bizni zapt etmege isteysiñiz. Yapıp olamazsıñız», – dedi Yatsenük.

Baş nazir şunı da eminliknen ayttı ki, Ukraina birleşse, tek o vaqıt «Putinniñ rejimi»ni yeñmek mümkün olur. «Birleşken Ukraina, rus ve ukrain tillerinde laf etken, çeşit kilselerge barğan, çeşit territoriyalarda yaşağan, amma birleşken. Putinniñ rejimini yeñmek içün bir retseptir. Rusiye qomşularımız başlağan cenkinde ğalebeniñ retsepti».
XS
SM
MD
LG