Link açıqlığı

Aqmescitte «Qırım ayırılmasına» bağışlanğan sergi açıldı


Bugün Aqmescitteki Tavrida Merkeziy müzeyinde «Dünyanı şaşırğan otuz kün: 2014 senesiniñ «Qırım baari» sergisi açıldı.

Tantanalı tedbirde Qırım separatistleriniñ lideri, Qırım Cumhuriyeti yolbaşçı vazifelerini eda etken Sergey Aksönov iştirak etti, dep bildire öz başına ilân etilgen Qırım akimiyetiniñ ruporı KİA haber agentligi.

Sergide Qırım tarihında qıyın müddetniñ cemaat ve siyasiy ayatınıñ adise-vaqialarını aks ettirgen 250 fotoresim taqdim etildi.

Sergide fotoressamlar ve adiy adamlarnıñ işleri bar. Sergide 2,5 biñ fotoresimden tek bir qısım numayış etile. Qalğanlarnı diskke yazıp, leyha iştirakçilerine taqdim etmege vade eteler.

Bundan ğayrı, ekspozitsiyada Kiyevdeki çatışmalarda iştirak etken Qırım «Berkutınıñ» eşyaları, bayraq ve risaleler taqdim etile.

Aksönovnıñ fikirince, sergi olıp keçken adise-vaqialarğa başqa taraftan baqıp, qıymet kesmege imkân bere.

«Teessuratlar duyğulı, o vaqialarnı hatırladım. Bugünki künde bu endi tarih sayıla, yahşı da bu vaqialarda qan tökülmedi, şu sebepten biz qırımlılarğa teşekkür bildiremiz», – Qırım işğalini köz ögüne alıp, qayd etti o.
XS
SM
MD
LG