Link açıqlığı

Saatnıñ esas haberi

Qırım jurnalistleri yarımadanı Rusiyeniñ işğali sebebinden terk eteler – Avropa havfsızlıq ve işbirlik boyunca teşkilâtınıñ temsilcisi


Qırım matbuat vastalarınıñ temsilcileri yarımadanı terk etmege mecburlar, çünki mında bulunmaq olar içün havflıdır.

Bunı kütleviy haber vastalarnıñ serbestligi boyunca Avropa havfsızlıq ve işbirlik boyunca teşkilâtınıñ temsilcisi Dunâ Miyatoviç Ukraina içki işler naziri Mıkola Velıçkovıç ile körüşüv devamında bildirdi, dep haber ete içki işler nazirlikniñ matbuat-hızmeti.

Miyatoviç soñki vaqıtları Ukrainanıñ çeşit regionlarında, şu cümlede Qırımda bulunğanını qayd etti. Ukraina şarqında ve yarımadada jurnalistlerniñ ratsketirgen vaziyet onda «qasevet doğurğanını» aytıp keçti.

«Qırım matbuat vastalarnıñ temsilcileri Qırımda bulunmağa havflı olğanından sebep, yarımadanı terk etmege mecbur olğanlarını bildirdiler. Faqat, vaziyet kergin olsa da, jurnalistler yerli milisniñ yardımını duymaq kerekler», – dedi Miyatoviç.
XS
SM
MD
LG