Rusiyede çetelde qanunsız areketlerni amelge keçirmek içün mahsus hızmetniñ peyda oluvı aqqında süjet Rusiye telekanallarında daa yıl evelsi kösterilgen edi. Bunı Ukraina çetel işler nazirliginiñ matbuat siyasiy departamentiniñ müdiri Yevgen Perebiynis bildirdi.
Onıñ aytqanı kibi, spetsnaz diversiya, itsenmez siyasetçilerniñ yoq etilmesi ve qomşu memlektlerde vaziyetniñ kerginleştirmesi içün teşkil olundı. Rusiye arbiyleri çetelde qanunsız areketlerni amelge keçirmek içün azır olğanlarını bildirdi. Süjette Qırımnı işğal etken ve şimdi Ukraina şarqında areket etken insanlarnı añdırğan şahıslar kösterilgen edi.
«Yañı spetsnaz, rusiye jurnalistlerniñ aytqanı kibi, mahsus vazifelerni eda etmek, ayrı memkletlerge içki problemlerni çıqarıp, olarnıñ diqqatını tışqı problemlerden almaq kerektir. Mahsus ameliyat quvetleri ecnebiy partizan areketlerni idare ete ve istenmez liderlerni yoq ete, – qayd etti Perebiynis. – Bu diversion bölükler bugün Ukrainada areket etmeymi? Yıl evelsi Rusiyede alınğan stsenariy bugün Ukrainada amelge keçirilmeymi?»
