Link açıqlığı

AQŞ Rusiyeni istilâ içün cezalamağa devam etecek


AQŞ Rusiyeniñ Ukraina bir olmasını bozğan areketleri ve Qırım işğali sebebinden cezalarnı kirsetmege devam etecek.

Bunı bugün AQŞ maliye naziri Jacob Lew bildirdi, dep haber ete Azatlıq Radiosı.

Bundan ğayrı, AQŞ iş ortaqlarınen beraber Ukrainadaki vaziyetni kerginleştirmege devam etken Rusiyege qarşı yañı sanktsiyalar kirsetilmesine azır. Vaşingtonda Ukraina maliye naziri Oleksandr Şlapak ile körüşüvde Amerika memurı Rusiyeniñ Ukraina şarqında separatistlerge kösterilgen destekni qayd etti.

Bu körüşüvde taraflar Ukraina içün AQŞ 1 milliard dollar miqdarında ödünç kefaletlerini imzaladı.

Bu kefiller al-azırda Ukraina ükümeti Halqara para fondu ile yardım ve islâatlar programmasınıñ ilâvesi olacaq, aytıla Vaşingtonnıñ beyanatında.

Bu kefaletlerge celp etilgen sermiyalar islâatlar keçirilmesine yönelgen Ukraina ğayretlerini quvetleştirecek.

Bugün Avropa Birligi Ukrainağa 1 milliard yevro miqdarında ödünç berilmesini ilân etti. Bu para endi belgilengen, lâkin daa berilmegen 610 million yevroğa qoşulacaq.

Halqara para fondu ve Ukraina Kiyevge 14 milliard dollardan 18 milliard dollarğa qadar para almağa yardım etecek islâatlar programması aqqında añlaşalar.
XS
SM
MD
LG