Link açıqlığı

Saatnıñ esas haberi

Ğarp Ukrainanıñ Rusiye ile mudafaa işbirliginiñ toqtatılmasını talap ete – Yarema


Ğarp memleketleri Ukrainadan Rusiye ile mudafaa saasında emekdaşlıqnı toqtatmağa talap ete.

Bunı Ukraina baş naziriniñ birinci muavini Vitaliy Yarema Dnepropetrovs şeerindeki toplaşuvda bildirdi, dep haber ete Azatlıq Radiosı.

Yaremanıñ aytqanına köre, Ukraina mudafaa-sanayı kompleksi müessiseleriniñ bir qısmı Rusiyege hızmet ete, ve «bizim qomşularımız, ğarbiy memleketlerden ortaqlarımız bu işbirlikni toqtatmağa talap eteler».

«Bizni qorquzğan adamlar içün mahsulatnı azırlamaq – mantıqsızdır», – dedi o.

Memurnıñ qayd etkenine köre, zavodlarnıñ bir qısmı Zaporojye ve Dnepropetrovs vilâyetlerinde yerleşe. Onıñ malümatına köre, ükümet işhaneler Rusiye ile işbirlikni toqtatqan soñ büyük zarar körmesin dep, kerekli tedbirler keçire.
XS
SM
MD
LG