Link açıqlığı

Saatnıñ esas haberi

Qırımnıñ «Rusiye akimiyeti» Ukraina siyasetçileriniñ yerli kâşanelerini jurnalistlerge kösterecek


Qırımda jurnalistlerni Ukraina siyasetçileri ve bay adamlarına mensüp mesken kompleksleri etrafından qapalı plâjlarda kezdirecekler.

Bunı yarımadanıñ öz başına ilân etilgen akimiyetiniñ ruporı olğan «Krıminform» haber agentligi bildire.

Böylece, Qırımnıñ öz başına tayin etilgen ükümetiniñ «Malümat Nazirligi» mezkür «matbuat-kezintini» aprel 15-de ötkerecek ola.

Jurnalistlerge Ukraina sabıq prezidentiniñ Mağaraç qasabasında yerleşken «Çay evçigi», Simeiz qasabasında yerleşken Baranov adına şifahane (Viktor Medvedçuknıñ kâşanesi), Gurzuf qasabasında yerleşke «Ay-Danil» şifahanesi (Rinat Ahmetovğa ait), Gurzuf qasabasında yerleşken Nautilus mesken kompleksiniñ plâjı («Privat» gruppası) ve Gurzuf yalısı yanında plâjnı («Puşkin-Azarov» yalısı) kösterecekler.
XS
SM
MD
LG