Link açıqlığı

Putin Avropağa gaz berilmesi havf altında olğanını aytqan soñ, Avropa komissiyası Rusiyeni gaz añlaşmalarını bozmamağa çağıra.

Azatlıq Radiosınıñ malümatına köre, spiker Pia Ahrenkilde Hansen bugün Brüsselde bildirdi ki, «Avropa sadıq bir müşteri ola, ve bizler temin eticilerden añlaşma şartlarınıñ yerine ketirilmesini bekleymiz».

Moskva bildirgenine köre, Avropa liderleri Putinniñ Ukraina gaz borclarınen bağlı acele muzakereler keçirmek teklifine alâ daa cevap bermedi. Rusiye lideriniñ aytqanına köre, Avropa Ukrainağa 2 milliard dollar miqdarında borcnı ödemege yardım etmese, gaz berilmesinen bağlı qıyınlıqlar peyda olması mümkün.

Ukraina Moskvağa biñ kubometr içün 485 dollar tölemege imkân olmağanını bildirip, Avropadan qaytarılıp gaznen temin etilüvine ümüt besley.

Energetika ve kömür sanayı naziri Yuriy Prodan bildirdi ki, Ukraina Rusiyeniñ gaz fiyatını arttıruv qararına Stokgolm arbitraj mahkemesinde şikâyet etip, dava açtıracaq.
XS
SM
MD
LG