Qırım musulmanları diniy bayram künleriniñ yarımadada raatlıq künleri olaraq ilân etilmesini talap etmege niyetlene.
Bunı Qırım.Aqiqat saytına Qırım musulmanları Müftisiniñ muavini Ayder İsmailov bildirdi.
Onıñ aytqanına köre, Qırım Rusiye Federatsiyasınıñ qanunlarına boysunmağa başlağanından sebep Oraza ve Qurban bayramlarını devlet derecesinde bayram olaraq tanılmasınıñ fırsatı peyda oldı. Tataristan, Başkiriya ve Şimaliy Kavkaznıñ bazı cumhuriyetlerinde mezkür bayramlar raatlıq künleri olaraq tanıla.
«On yıldan berli Qırım musulmanları Diniy idaresi akimiyet organlarına muracaatta bulunıp, iç olmağanda büyük bayramlarımızınıñ birinci künlerini raatlıq künleri olaraq ilân etmege rica ete. Lâkin bu müddet devamında muracaatlar amelge keçirilmedi. Rusiyede bazı cumhuriyetlerde çeşit milletler yaşağanından sebep diniy bayramlar raatlıq künleri olaraq ilân etile. Menimce, Qırımda aynı bu usuldan faydalanmaq mümkün», – dep bildirdi İsmailov.
O, şunı qayd etti ki, musulmanlarğa diger din vekilleri, şu cümleden Rusiye qanunları boyunca Pashanen bağlı raatlıq künlerinden marum qalğan pravoslav hristianları da qoşulsa, bu mesele al etilüviniñ müsbet bir neticesi olması mümkün.
«Al-azırda Qırımdaki pravoslav hristianları bizde olğan vaziyetke oğradı, olarnıñ Pasha ile bağlı raatlıq künleri artıq yoq. Lâkin bu bayramlar musulmanlarda da, pravoslav hristianlarda da raatlıq künleri olmalı. Bu doğru olacaqtır. Menim fikirimce, pravoslav hristianları musulmanlarnen beraber bu meseleni çezse, onıñ neticesi müsbet olacaqtır», – dep qayd etti Qırım Müftisiniñ muavini.
Bunı Qırım.Aqiqat saytına Qırım musulmanları Müftisiniñ muavini Ayder İsmailov bildirdi.
Onıñ aytqanına köre, Qırım Rusiye Federatsiyasınıñ qanunlarına boysunmağa başlağanından sebep Oraza ve Qurban bayramlarını devlet derecesinde bayram olaraq tanılmasınıñ fırsatı peyda oldı. Tataristan, Başkiriya ve Şimaliy Kavkaznıñ bazı cumhuriyetlerinde mezkür bayramlar raatlıq künleri olaraq tanıla.
«On yıldan berli Qırım musulmanları Diniy idaresi akimiyet organlarına muracaatta bulunıp, iç olmağanda büyük bayramlarımızınıñ birinci künlerini raatlıq künleri olaraq ilân etmege rica ete. Lâkin bu müddet devamında muracaatlar amelge keçirilmedi. Rusiyede bazı cumhuriyetlerde çeşit milletler yaşağanından sebep diniy bayramlar raatlıq künleri olaraq ilân etile. Menimce, Qırımda aynı bu usuldan faydalanmaq mümkün», – dep bildirdi İsmailov.
O, şunı qayd etti ki, musulmanlarğa diger din vekilleri, şu cümleden Rusiye qanunları boyunca Pashanen bağlı raatlıq künlerinden marum qalğan pravoslav hristianları da qoşulsa, bu mesele al etilüviniñ müsbet bir neticesi olması mümkün.
«Al-azırda Qırımdaki pravoslav hristianları bizde olğan vaziyetke oğradı, olarnıñ Pasha ile bağlı raatlıq künleri artıq yoq. Lâkin bu bayramlar musulmanlarda da, pravoslav hristianlarda da raatlıq künleri olmalı. Bu doğru olacaqtır. Menim fikirimce, pravoslav hristianları musulmanlarnen beraber bu meseleni çezse, onıñ neticesi müsbet olacaqtır», – dep qayd etti Qırım Müftisiniñ muavini.
