Link açıqlığı

«Qırım halq imayesi» Aqmescitteki vokzalda jurnalistlerniñ kamerasını tutıp aldı


Bugün «Qırım halq imayesiniñ» vekilleri Aqmescitteki demir yol vokzalında çalışqan «Çernomorskaya» teleradiokompaniyası jurnalistleriniñ videonen fleş-kartını alıp, «baş komandanınıñ» avalesine riayet etkenlerini bildirdiler.

Bunı «Tsentr jurnalistskih rassledovaniy» haber agentligi telekompaniya prezidentiniñ vazifelerini eda etken Lüdmila Juravlövanıñ aytqanlarına esaslanıp bildire.

Vaqia yerinde olğan Lüdmila Juravlövanıñ bildirgenine köre, jurnalistler Qırımğa kelgen adamğa sual bergen vaqıtta, olarnıñ yanına yeşil urbada adamlar keldi ve video çıqarmaq içün ruhsetnameni soradılar.

«RF» ve «militsiya» işaretlerinen olğan yeşil urbağa kiyingen bir qaç adam video çıqarmamağa talap etip, videokameranı alacaq oldılar. Ne sebepten, dep sorasaq, – Nazirler Şurasında, yani Aksönovda, qayd etilmek kerek olğanını bildirdiler. Bizler kameranı bermegen soñ, «halq imayesiniñ» vekilleri baş komandan kameranı tutıp almağa emir etti, dep aytqanlar», – bildire Juravlöva.

Bundan soñra o, Aksönovnen bağlanmağa istedi.

«Cep telefonnıñ o bir tarafında olğan ses, bilmeyim, Aksönov edimi-yoqmı, kameranı almaycaqlar, amma fleş-kartnı bermek kerek, dep ayttı. Onı baqarlar ve keri qaytaracaq ekenler», – dep qayd etti prezident vazifelerini eda etken Lüdmila Juravlöva.

Bundan soñra «halq imayesiniñ» temsilcileri tekrar Aksönovnen bağlanıp, videokameranı qaytardılar, lâkin fleş-kartnı alıp ketkenler.

«Şimdi beklep oturamız, o (kart), bayağı paalı tura», – dep ayttı Juravlöva.
XS
SM
MD
LG