Rusiyeniñ Qırım işğalinden sebep Ukraina vatandaşlığından vazgeçmeycek Qırım sakinleri Rusiye Devlet migratsion hızmetine bir de bir vesiqanı teslim etmemek kerek.
Böyle bir ilân Ukraina Devlet migratsion hızmetiniñ resmiy saytında mevcut.
Nazirlikte qayd etkenleri kibi, Ukraina vatandaşlığından vazgeçmek içün, qanun boyunca, Ukraina prezidenti adına muracaat yazmalı.
«Ukraina vatandaşlığından vazgeçüv şahısnıñ Ukraina prezidenti adına tış işler nazirligine berilgen muracaatına köre resmiyleştirile. Ukraina vatandaşlığı toqtatılmasınıñ künü Ukraina prezidenti bunıñnen bağlı emir imzalağan künü sayıla. Böyle etip, Rusiye Federatsiyası Qırım ve Aqyar sakinleriniñ ukrain vatandaşlığından vazgeçüv aqqında bir de bir qarar qabul etip olamay. Ukraina vatandaşlığını saqlap qaldırmaq içün bir de bir vesiqanı teslim etmege kerekmey», – aytıla beyanatta.
Nazirlik qırımlılar ve Ukrainanıñ diger vatandaşlarını iç bir vaqıt Ukraina vatandaşı pasportını bir kimsege bermemege çağıra, çünki «ileride onı qanunsız bir faaliyette qullana bileler».
Qırım Rusiye tarafından işğal etilgeninden sebep Rusiye Federal migratsion hızmeti Ukraina vatandaşları olaraq qalmağa istegenlerden ariza yazmağa talap ete. Arizanı aprel 18-ne qadar teslim etmeli.
Bunıñ kibi arizanı qaldırmaq içün qırımlılar büyük nevbetlerde tura. Bir çoq adam belgilengen kününe qadar yetiştirmeycek dep, Rusiye vatandaşları olmaqtan saqına.
Böyle bir ilân Ukraina Devlet migratsion hızmetiniñ resmiy saytında mevcut.
Nazirlikte qayd etkenleri kibi, Ukraina vatandaşlığından vazgeçmek içün, qanun boyunca, Ukraina prezidenti adına muracaat yazmalı.
«Ukraina vatandaşlığından vazgeçüv şahısnıñ Ukraina prezidenti adına tış işler nazirligine berilgen muracaatına köre resmiyleştirile. Ukraina vatandaşlığı toqtatılmasınıñ künü Ukraina prezidenti bunıñnen bağlı emir imzalağan künü sayıla. Böyle etip, Rusiye Federatsiyası Qırım ve Aqyar sakinleriniñ ukrain vatandaşlığından vazgeçüv aqqında bir de bir qarar qabul etip olamay. Ukraina vatandaşlığını saqlap qaldırmaq içün bir de bir vesiqanı teslim etmege kerekmey», – aytıla beyanatta.
Nazirlik qırımlılar ve Ukrainanıñ diger vatandaşlarını iç bir vaqıt Ukraina vatandaşı pasportını bir kimsege bermemege çağıra, çünki «ileride onı qanunsız bir faaliyette qullana bileler».
Qırım Rusiye tarafından işğal etilgeninden sebep Rusiye Federal migratsion hızmeti Ukraina vatandaşları olaraq qalmağa istegenlerden ariza yazmağa talap ete. Arizanı aprel 18-ne qadar teslim etmeli.
Bunıñ kibi arizanı qaldırmaq içün qırımlılar büyük nevbetlerde tura. Bir çoq adam belgilengen kününe qadar yetiştirmeycek dep, Rusiye vatandaşları olmaqtan saqına.
