Ukraina Milliy teleradiokompaniyası yolbaşçısınıñ birinci muavini, Qırım kurort ve turizm sabıq naziri Aleksandr Liyev dey ki, Qırım separatistleri oña «rusiye ükümetinde» çalışmağa teklif etken ediler.
Bunı o, «Ukrainskaya pravda» intervyüsında bildirdi.
«Nazir vazifelerini (yañı ükümette) eda etip, çalışmaq teklifini aldım, tüşündim, lâkin qabul etmedim. Men strategik qararlar alınması yollarını añlap olamay edim ve şübelendim, onıñ içün bu taqımda iştirak etüvden vazgeçtim», – bildire Liyev.
Bundan ğayrı, sabıq nazirniñ aytqanına köre, yarımada yañı «akimiyetiniñ» qararları Qırımda qabul etilmey.
«Qırım Moskva vaqtına keçkenini bildirdiler. Bu qarar ükümette muzakere etilmedi, onı birisi avale etti. Soñra qararlar Qırımdan tış qabul etilgenini añladım, bir plan amelge keçirile edi, saat-saatten bunı daa da yahşı añlamaq mümkün edi. Qırım Rusiyege qoşulacağını ögrenip, bu şey açıq-aydın köründi. O vaqıt men vekâletlerimden vazgeçtim», – dep ayttı o.
Qırım Cumhuriyetiniñ Devlet Şurası olaraq adlanğan qanunsız Qırım parlamenti prezidiumınıñ qararına esaslanıp, Aleksandr Liyevniñ soyadı yarımadada bulunması «istenmez olğan» şahıslar cedveline kirsetildi. Böyle etip, o, 300 soyadından ibaret olğan «non grata şahısları» cedvelini toldurdı.
Bunı o, «Ukrainskaya pravda» intervyüsında bildirdi.
«Nazir vazifelerini (yañı ükümette) eda etip, çalışmaq teklifini aldım, tüşündim, lâkin qabul etmedim. Men strategik qararlar alınması yollarını añlap olamay edim ve şübelendim, onıñ içün bu taqımda iştirak etüvden vazgeçtim», – bildire Liyev.
Bundan ğayrı, sabıq nazirniñ aytqanına köre, yarımada yañı «akimiyetiniñ» qararları Qırımda qabul etilmey.
«Qırım Moskva vaqtına keçkenini bildirdiler. Bu qarar ükümette muzakere etilmedi, onı birisi avale etti. Soñra qararlar Qırımdan tış qabul etilgenini añladım, bir plan amelge keçirile edi, saat-saatten bunı daa da yahşı añlamaq mümkün edi. Qırım Rusiyege qoşulacağını ögrenip, bu şey açıq-aydın köründi. O vaqıt men vekâletlerimden vazgeçtim», – dep ayttı o.
Qırım Cumhuriyetiniñ Devlet Şurası olaraq adlanğan qanunsız Qırım parlamenti prezidiumınıñ qararına esaslanıp, Aleksandr Liyevniñ soyadı yarımadada bulunması «istenmez olğan» şahıslar cedveline kirsetildi. Böyle etip, o, 300 soyadından ibaret olğan «non grata şahısları» cedvelini toldurdı.
