Qırımda mecburiy tibbiy sigorta sisteması peyda olacaq, dep bildirdi matbuat konferentsiyasında tanılmağan Qırım Cumhuriyetiniñ «sağlıq saqlav» naziri Pötr Mihalçevskiy.
Onıñ malümatına köre, mecburiy tibbiy sigorta programması devlet tarafından maliye etile. Böyle etip, para devlet büceti ve aşağıdaki bücetler, teşkilât ve müessiselerden alına.
«Çalışqan vatandaşlarnıñ aylıqlarından 5,1% miqdarında sigorta ödevleri alına ve mahsus vaqufqa berile, onıñ sermiyaları ise hastalarnıñ tibbiy yardım isteklerine sarf etile. Nefaqacı, işsiz, saqat, balalar ve yaşav yeri olmağan vatandaşlar yerine sigorta ödevlerini subyekt büceti, yani Qırım Cumhuriyetiniñ büceti, töleycek», – dep aytıla öz başına ilân etilgen Nazirler Şurası matbuat hızmetiniñ beyanatında.
Al-azırda mecburiy tibbiy sigorta Qırım territorial vaqufını şekillendirüv boyunca iş alıp barıla. Mecburiy tibbiy sigorta sisteması cumhuriyette 2015 senesi yanvarniñ 1-den itibaren çalışıp başlaycaqtır.
Onıñ malümatına köre, mecburiy tibbiy sigorta programması devlet tarafından maliye etile. Böyle etip, para devlet büceti ve aşağıdaki bücetler, teşkilât ve müessiselerden alına.
«Çalışqan vatandaşlarnıñ aylıqlarından 5,1% miqdarında sigorta ödevleri alına ve mahsus vaqufqa berile, onıñ sermiyaları ise hastalarnıñ tibbiy yardım isteklerine sarf etile. Nefaqacı, işsiz, saqat, balalar ve yaşav yeri olmağan vatandaşlar yerine sigorta ödevlerini subyekt büceti, yani Qırım Cumhuriyetiniñ büceti, töleycek», – dep aytıla öz başına ilân etilgen Nazirler Şurası matbuat hızmetiniñ beyanatında.
Al-azırda mecburiy tibbiy sigorta Qırım territorial vaqufını şekillendirüv boyunca iş alıp barıla. Mecburiy tibbiy sigorta sisteması cumhuriyette 2015 senesi yanvarniñ 1-den itibaren çalışıp başlaycaqtır.
