Link açıqlığı

İşğal etilgen Qırımnıñ sakinleri kelecek aftadan başlap topraq damartılarını resmiyleştire bileler


Aprelniñ 15-den başlap Qırımda topraq damartılarını qayd etüv vesiqalarını qabul etecekler, dep bildire topraq resursları tanılmağan Qırım Cumhuriyeti Cumhuriyet komitetiniñ reisi Aleksandr Gordetskiy.

Bunı öz başına ilân etilgen Qırım Nazirler Şurasınıñ matbuat hızmeti öz Facebook saifesinde bildire.

«Eñ evelâ vesiqalarnı altı büyük şeer, şu cümleden Aqmescit, Yalta, Keriç, Kezlev, Saq, territorial organlarında qabul etecekler. Soñra organlarnı şekillendirüv esnasına köre rayonlarğa da çıqa bilemiz», – dep bildirdi Gordetskiy.

Onıñ aytqanına köre, al-azırda Qırımda kadastr müendislerini qayd etecek komissiyasını meydanğa ketirüv meselesi baqıla. Olar çalışıp olamaylar, çünki bundan evel Ukraina vesiqaları boyunca hızmet ete ediler.

Şimdi Rusiye Federatsiyası Kadastr palatasınıñ hadimleri vesiqalarnı qabul etecekler.

Qırımlılar topraq damartılarını satın almaq aqqını qazanacaqlar, em de topraq damartını resmiyleştirüv adiseleri birer-birer baqılacaq.

Qırımnıñ öz başına tayin etilgen akimiyeti referendumdan soñ topraq berilmesini toqtatıp, narazılıq meydanlarınıñ artmasına yol bermeycegini bildirdi.
XS
SM
MD
LG