Link açıqlığı

PAСE Rusiyeni Ukraina vaziyeti sebebinden takbih ete


Avropa Şurasınıñ parlament assambleyası Ukraina suvereniteti ve topraq bütünligine qol tutuv rezolütsiyanı qabul etti.

Bu qararğa 154 deputat qol tuttı, 26 – qarşı çıqtı, 14 – bitaraf oldı, dep haber ete Azatlıq Radiosı.

«Assambleya Ukrainanıñ federalizatsiya boyunca Rusiye ğayelerine qarşı çıqa, çünki böyleliknen memleketniñ birdemlik ve stabilligi bozula bile», – dep aytıla rezolütsiyada.

Bunıñ ile bir sırada, Assambleya ukrain akimiyetine ükümetniñ merkezleştirüvi boyunca bir plannı işlep çıqarmağa tevsiye ete. Ukraina şarqı ve ğarpı arasında bölünüvinde siyasiy aslı olğanını da qayd eteler.

Bunıñnen beraber, PAСE fikrince, Rusiyeniñ öz areketlerini aqlamaq içün ketirilgen delilleriniñ iç birisi aqiqiy faktlar ile tasdıqlanılmağan.

Assambleyada Qırımda mart 16-da keçirilgen «referendum»nıñ em Qırım, em Ukraina Anayasasına ters kelgenini qayd eteler ve Ukraina sıñırlarında rusiye arbiyleriniñ bulunuvından sebep öz qasvesetini bildireler.
XS
SM
MD
LG