Link açıqlığı

Ukraina çetel işler nazirligi akimiyetniñ separatistlerge olğan menfiy munasebetinde qabaatlağan Rusiyege cevap qaytardı.

Mütenasip ilân Ukraina çetel işler nazirliginiñ resmiy saytında peyda oldı.

«Bizni Yevromaydan adiyelerni Ukraina Cenübi ve Şarqında, şu cümlede Qırımda yüz bergen adiselerni qıyaslap, «ekili standartlarda» qabaatlaylar. Teessüf ki, rusiye memurları böyle teñeştirüvlerni keçirip, bese-belli şeylerni añlamay. <…> Aqiqaten ise, Rusiyeniñ bugün Ukraina Cenübi ve Şarqında etken areketleri Ukrainanıñ öz tesiri altında qaldırmaq içün etilgen ıntıluvdır», – dep aytıla beyanatta.

Ukraina çetel işler nazirliginde qayd eteler ki, Rusiye Ukraina vatandaşları «Moskvanıñ bizni itegen keçmiş dünyasında yaşamağa istemegenleri» ile razı olmağa istemey, ukrain halqınıñ avesi ise – «umumdünya ve avropa demokratik degerlikleri temelinde zemaneviy devletni meydanğa ketirmektir».

Mında demokratik Ukraina Rusiye içün telüke olmağanını da ayttılar.

«Ukrainliler Rusiye ile barışıqta yaşamaq, qomşularımıznen dostluq, şerik ve teñ uquqlu munasebette bulunmağa istey. Eminmiz ki, bunı rusiyelilerniñ de ekseriyeti istey. Rusiye tarafı avropalı demokratik Ukraina Rusiye içün telüke olmağanını añlaycağına ümüt etemiz. Avropalı demokratik Ukraina – em ukrain, em rusiye halqlarnıñ merağındadır», – dep aytıla beyanatta.
Böyleliknen Ukraina çetel işler nazirliginde Rusiyeni Ukrainada istilâ ve tariklerni, Qrımda ise işğalni toqtamağa çağırdılar.
XS
SM
MD
LG