Link açıqlığı

Yalta tarihiy-edebiy müzeyiniñ müdiri Olga Tkaçuk dey ki, Lesâ Ukrainka müzeyiniñ qapatılması aqqında öşekler yalandır.

Böyle bir tefsir Yalta şeer şurasınıñ resmiy saytında yerleştirildi.

Tkaçuknıñ aytqanına köre, bu künleri birden bir qaç kütleviy haber vastası Yaltada Lesâ Ukrainka müzeyi Qırımda soñki siyasiy adise-vaqialardan sebep qapatıluv havfı altında bulunğanını bildirdi.

«Lesâ Ukrainka müzeyi bölük olaraq Yalta tarihiy-edebiy müzey terkibine kire. Men resmiy alda bildirem ki, KHV tarafından Lesâ Ukrainka müzeyiniñ qapatılması aqqında tarqalğan malümat yañlış», – dedi o.

Tkaçuknıñ bildirgenine köre, al-azırda Lesâ Ukrainka müzeyi işini devam ete. Onı qapatmaq içün bir de bir sebep yoq.
XS
SM
MD
LG