Link açıqlığı

PASE profil komiteti Rusiyeni rey bermek aqqından marum etüvge qol tuttı


Avropa Şurası Parlament assambleyasında (PASE) Rusiye eyyeti rey bermek aqqından marum etilecegini ögrenip, bugünki, aprel, PASE sessiyasını terk etmesi mümkün.

Bunı salı künü eyyet yolbaşçısı Aleksey Puşkov bildirdi. Onıñ aytqanına köre, o ve onıñ işdeşleri cumaaqşamı künü qarar alacaq, haber ete Azatlıq Radiosı.

«İnterfaks» qayd etkenine köre, Puşkov PASE profil komitetiniñ toplaşuvından soñ jurnalistler ögüne çıqtı. Bu tedbirde Rusiyeni rey bermek aqqından marum qaldırmağa qarar alındı. Böyle etip, diger, daa da ciddiy teşebbüs – Assambleyada Rusiyeniñ Qırım işğalinden sebep Rusiye vekâletleriniñ toqtatılması – red etildi. Alğışlanğan variant aprelniñ 10-da rey berüvge çıqarılacaq.

«Bizler rey bermek aqqından marum etüvni ciddiy bir ceza olaraq tanıp, umumiy toplaşuvlar salonını terk ete bilemiz...bu aftanıñ soñuna qadar, yani cuma kününe qadar. Buña baqmadan, biz nevbetteki, iyün sessiyasına kelecekmiz», – dedi Puşkov.
XS
SM
MD
LG