Link açıqlığı

Saatnıñ esas haberi

Aqmescitte milletlerara munasebetlerni ukrainlersiz muzakere ettiler


Aprelniñ 8-de Aqmescitte «Qırım Rusiyeniñ milletlerara siyasetinde» «tögerek masasınıñ» toplaşuvı olıp keçti. Tedbirde Qırımda milletlerara munasebetler muzakere etildi.

Muşaverege Qırımdaki etnik ukrainlerniñ temsilcilerini davet etmediler.

Tedbirde bir çoq diger etnik cemiyetleriniñ vekilleri, em de siyasetçi, siyasetşınas, «Qırım Cumhuriyetiniñ Devlet şurası» olaraq adlanğan Qırım parlamenti ve Aqmescit şeer şurasınıñ deputatları iştirak etti.

«Regionalnıy institut politiçeskih kommunikatsiy» cemaat teşkilâtınıñ reberi İvan Mezüho bildirgenine köre, teşkilâtçılar etnik ukrainlerni, şu cümleden, Bütünukrain informatsion-medeniy merkeziniñ temsilcilerini davet etken edi.

Qayd etmeli ki, Bütünukrain informatsion-medeniy merkezi devlet müessisesi olıp, Ukraina televideniye ve radioyayınlav Devlet komitetine boysuna. Merkez etnik ukrainlerniñ menfaatlarını temsil etmey.
XS
SM
MD
LG