Link açıqlığı

Almaniya çetel işler nazirliginiñ başı: Rusiye Ukraina şarqındaki qarşılıqlarğa destek köstermemek kerek


Almaniya ve Avropa biriliginiñ menfaatında olğan Ukrainanıñ siyasiy ve iqtisadiy vaziyetiniñ tüzleştirüvi memleketniñ bölünüvi vaqtında mümkün degildir.

Bunı bugün Berlinde Almaniya çetel işler naziri Frank-Walter Steinmeier bildirdi, dep haber ete Azatlıq Radiosı.

«Biz bu vaziyetiniñ ögüni almaq kerekmiz. Ukraina boyunca halqara kontakt gruppasınıñ meydanğa ketirüvi içün etilgen ğayretimiz aqiqat olğanını körersiñiz. Demek, Ukraina şarqındaki tertipsizligine yol bermemek kerek. Rusiye ise buña destek köstermemeli. Biz Ukrainada anayasa protsessiniñ başlanuvında iştirak etmek kerekmiz», – dedi alman tış siyasiy müessiseniñ reisi.

Onıñ aytqanına köre, Almaniya Ukraina sıñırlarında rusiye ordularınıñ bulunuvını nezaret etmege devam etecektir.

Ukraina toprağında rusiye istilâsı bugün açılğan Avropa Şurasınıñ Parlament Assambleyası baar sessiyasınıñ esas mevzusıdır.
XS
SM
MD
LG