Link açıqlığı

Ukrainada Rusiye sıñırlarında 130 blok post peyda oldı. Mında uquq qorçalayıcı ve sıñırcılar qoruvnı alıp baralar.

Bunı Ukraina içki işler Nazirliginiñ matbuat-hızmeti bildire.

Olğan malümatqa köre, mında hızmet etmek içün er kün 300-den ziyade uquq qorçalayıcı celp etile.

Aprel 7-ne Rusiye ile devlet sıñırında içki işler territorial bölükleri ve Devlet sıñır hızmeti tarafından 126 blokpostlarda nevbetçilik alıp barıla. Olardan 80 – statsionar, 46 – avuştırılğan.

«Rusiye Federatsiyası ile devlet sıñırında 71 blok post yerleşken, Pridnestrovye ve Aqrusiye Cumhuriyetleri yanındaki sıñırlarında 34 ve 21 blokpost bardır. Bundan da ğayrı, mart 31 kününden başlap, Vinnitsa, Odessa, Çernovetsk vilâyetleriniñ İçki işler nazirliginiñ cemaat havfsızlıq departamentiniñ bölükleri sıñır hızmeti tarafından teşkil etilgen «Rubej» operativ tedbirde iştirak ete», – dep aytıla beyanatta.

Teşkil olunğan blok postlardaki nizamlıqnı cemaat vekilleri temin ete. Rusiye Federatsiyası ile sıñırda – 149, Pridnestrovye Cumhuriyeti sıñırında ise – 118.

Devlet sıñırınıñ uzunlığı 3,1 biñ kilometrni teşkil ete, Rusiye ile – 1,9 biñ, Pridnestrovye Cumhuriyeti ile – 452 km ve Moldaviya ile – 770 km.
XS
SM
MD
LG