Bugün Lugansk şeerinde Rusiyege qol tutuv mitingi vaqtında Ukraina havfsızlıq hızmetini zapt ettiler.
UNİAN malümatına köre, ücüm vaqtında binanıñ kiriş qapusını yıqtılar, taşlarnen pencerelerni sındırdılar, miting iştirakçileri İdare binasına kirip, Rusiye Federatsiyasınıñ bayrağını tiklediler.
Faaller Lugansk vilâyetinde separatizmde qabaatlanıp yaqalanğan insanlarnı azat etmege talap eteler. Miting iştirakçileri yımırta, taş, şişelerni atıp başladılar. Binanıñ bir tarafından turğan uquq qorçalayıcılar olarnı toqtatıp olamadı.
İdare pencerelerinden suv ve közyaş doğurğan gaz tökülip başladı. Silâ davuşları eşitildi. SBU binasından tuman çıqa. Bina yanına eki acele yardım maşinası keldi, yaralanğan adamlar da bar.
Saat 16:00 Ukraina havfsızlıq hızmeti binasına Lugansk vilâyet devlet memuriyetiniñ reisi Mihail Bolotskih ve Lugansk vilâyetinde İçki işler nazirliginiñ baş idare yolbaşçısı Vladimir Guslavskiy muzakereler keçirmek içün keldiler. «Ukrainskaya pravda» haber agentliginiñ malümatına köre, miting iştirakçilerinden biri bildirdi ki, separatizmde qabaatlanğan altı insan azat etilecek. Böyle bir qararğa faaller ve akimiyet vekilleri keldi eken.
UNİAN malümatına köre, ücüm vaqtında binanıñ kiriş qapusını yıqtılar, taşlarnen pencerelerni sındırdılar, miting iştirakçileri İdare binasına kirip, Rusiye Federatsiyasınıñ bayrağını tiklediler.
Faaller Lugansk vilâyetinde separatizmde qabaatlanıp yaqalanğan insanlarnı azat etmege talap eteler. Miting iştirakçileri yımırta, taş, şişelerni atıp başladılar. Binanıñ bir tarafından turğan uquq qorçalayıcılar olarnı toqtatıp olamadı.
İdare pencerelerinden suv ve közyaş doğurğan gaz tökülip başladı. Silâ davuşları eşitildi. SBU binasından tuman çıqa. Bina yanına eki acele yardım maşinası keldi, yaralanğan adamlar da bar.
Saat 16:00 Ukraina havfsızlıq hızmeti binasına Lugansk vilâyet devlet memuriyetiniñ reisi Mihail Bolotskih ve Lugansk vilâyetinde İçki işler nazirliginiñ baş idare yolbaşçısı Vladimir Guslavskiy muzakereler keçirmek içün keldiler. «Ukrainskaya pravda» haber agentliginiñ malümatına köre, miting iştirakçilerinden biri bildirdi ki, separatizmde qabaatlanğan altı insan azat etilecek. Böyle bir qararğa faaller ve akimiyet vekilleri keldi eken.
