Link açıqlığı

Bugün Habarovsk şeerinde Habarovsk ülkesiniñ Rusiyege «qoşulması» içün aktsiya olıp keçti.

Bunı Azatlıq Radiosınıñ mühbiri Olga Rasskazova bildire.

Miting iştirakçileriniñ qollarında «Za Habarovsk v sostave Rossii», «Moskva – moya stolitsa» , «Habarovsk – eto Krım Dalnego Vostoka», «V Rossii horoşo – a v Habarovske?» plakatları bar edi.

Tedbir maqsadı – Rusiye regionında kerçek vaziyetni köstermek. Malüm ki, Rusiye akimiyeti memlekette yaşayış yüksek derecede olğanını ayta.

«Qırımnı aytqanda, Rusiyede yüksek seviyede yaşayış bar olğanı aqqında söz yürsetildi, lâkin qayd etmek kerek ki, bizim ülkemizge baqsaq, bam-başqa vaziyet olğanını köremiz. Onıñ içün biz Habarovsk ülkesiniñ bahtlı, ilerilegen Rusiyege qoşulmasını isteymiz», – dep ayttı miting teşkilâtçılarından biri, student Vladimir Avramçuk.

Çıqışta bulunğanlardan biri şeer sakinlerini «Putin, onıñ siyaseti ve yalanğa qarşı beraber küreşmege» çağırdı.

Miting şeer akimiyetinen añlaşqan soñ ötkerildi. İştirakçilerniñ sayısı 60 adamnı teşkil etti.
XS
SM
MD
LG