Link açıqlığı

Saatnıñ esas haberi

NATO Poloniyada arbiy bulunuvnı quvetleştirecek – Tusk


NATO şarqiy Avropa aza-memleketleriniñ Rusiyeniñ Ukrainağa qarşı Qırımdaki areketlerinen bağlı telükesizlik qorquları bar. Bu sebepten NATO Poloniyada arbiy buluvnı quvetleştirmege qarar aldı. Bunı Poloniya baş naziri Donald Tusk Poloniya telekanalınıñ yayınında bildirdi.

Amerika Qoşma Ştatları da Romaniyanıñ şarqında yerleşken «Mihail Kogelniçanu» abiabazasında arbiy adamlarnıñ sayısını arttıracaq.

Bunı Romaniya prezidenti Trayan Besesku memleket parlamentine mektübinde qayd etti. Onıñ aytqanına köre, bu bazada bulunğan 1000 adamğa daa 600 insan qoşulmalı.

Bunıñnen beraber Vaşington «mahsus missiyalar» keçirilmesi içün NATO ittifaqdaşına muracaat etip, aviabazada qoşma aviatehnika yerleştirüvini istedi.

«Mihail Kogelniçanu» aviabazası Ukraina ile sıñırdan pek uzaq degil. Romaniya prezidentiniñ mektübinde «mahsus missiyalar» ibaresi Ukrainanen bağlı areketlerni ifadeleymi belli degil.
XS
SM
MD
LG